கள்ளக்குறிச்சி : கள்ளக்குறிச்சி மார்க்கெட் கமிட்டியில் 2.81 லட்சம் ரூபாய்க்கு வர்த்தகம் நடந்தது.

கமிட்டிக்கு, மக்காச்சோளம் 35 மூட்டை, எள் 23, தலா ஒரு மூட்டை வேர்க்கடலை, உளுந்து உட்பட 55 மூட்டை விளை பொருட்களை விவசாயிகள் கொண்டு வந்தனர். சராசரியாக, ஒரு மூட்டை மக்காச்சோளம் 2,853, எள் 9,099, மணிலா 6,669, உளுந்து 8,709 ரூபாய்க்கும் கொள்முதல் செய்யப்பட்டது. கமிட்டியில் மொத்தமாக 2 லட்சத்து 81 ஆயிரத்து 894 ரூபாய்க்கு நேற்று வர்த்தகம் நடந்தது.

சின்னசேலம் மார்க்கெட் கமிட்டிக்கு விளைபொருட்கள் வரத்து இல்லாததால் நேற்றைய வர்த்தகம் ரத்து செய்யப்பட்டது.

தியாகதுருகம் மார்க்கெட் கமிட்டியில் நெல் 30, கம்பு 7, எள் 1 என மொத்தம் 38 மூட்டை விளைபொருட்களை விற்பனைக்காக கொண்டு வந்தனர். சராசரியாக ஒரு மூட்டை நெல் 2,529, கம்பு 2631, எள் 6,025 ரூபாய்க்கும் கொள்முதல் செய்யப்பட்டது. மொத்தமாக 85 ஆயிரத்து 942 ரூபாய்க்கு வர்த்தகம் நடந்தது.