மூங்கில்துறைப்பட்டு : மூங்கில்துறைப்பட்டு அடுத்த கடுவனுார் அரசு மேல்நிலைப் பள்ளியில் போதை ஒழிப்பு விழிப்புணர்வு ஊர்வலம் நடந்தது.

ஊர்வலத்தை, பெற்றோர் ஆசிரியர் கழக தலைவர் கோபால் தலைமை தாங்கி துவக்கி வைத்தார். ஊர்வலம் முக்கிய சாலை வழியாக சென்றது.

மாணவர்கள் போதை ஒழிப்பு குறித்த விழிப்புணர்வு வாசகங்கள் அடங்கிய பதாகைகளை ஏந்தி கோஷமிட்டபடி சென்றனர். தலைமை ஆசிரியர் பச்சமுத்து மற்றும் ஆசிரியர்கள் பங்கேற்றனர்.