புன்செய்புளியம்பட்டி, கோவையில் இருந்து சத்தியமங்கலத்துக்கு, 40க்கும் மேற்பட்ட பயணிகளுடன், பாயிண்ட் டு பாயிண்ட் அரசு பஸ் நேற்று புறப்பட்டது. டிரைவர் நடராஜன் ஓட்டினார். புன்செய் புளியம்பட்டி அடுத்த விண்ணப்பள்ளி பஸ் நிறுத்தம் அருகே காலை, 10:௦௦ மணியளவில் தேசிய நெடுஞ்சாலையில் சென்றது.

எதிர் திசையில் கோவை நோக்கி பூ பாரம் ஏற்றிக்கொண்டு அதிவேகத்தில் வந்த பிக்-அப் வாகனம் முன்னால் சென்ற லாரியை முந்த முயன்று, அரசு பஸ் மீது நேருக்குநேர் மோதியது. விபத்தில் பிக்கப் வாகனத்தின் முன்பகுதி முற்றிலும் சேதமானது. பஸ் பயணிகள் யாருக்கும் காயம் ஏற்படவில்லை. பிக்-அப் வாகன டிரைவர் பிரவீன், 30, என்பவரை பிடித்து, புன்செய்புளியம்பட்டி போலீசார் விசாரித்து வருகின்றனர். பூக்கள் ஏற்றிக்கொண்டு செல்லும் வாகனங்கள், வழக்கமாகவே அதிவேகத்தில் பயணிக்கின்றன. வட்டார போக்குவரத்து அதிகாரிகள் உரிய நடவடிக்கை எடுக்க அப்பகுதி மக்கள் கோரிக்கை விடுத்தனர்.