ஈரோடு,ஈரோடு தெற்கு போக்குவரத்து போலீசார் கடந்த மாதம், போக்குவரத்து விதிமீறல் தொடர்பாக, 1,704 வழக்குகளை் பதிவு செய்தனர்.

ஈரோடு தெற்கு போக்குவரத்து போலீசார் கடந்த மே மாதம், பல்வேறு இடங்களில் வாகன தணிக்கையில் ஈடுபட்டனர். இதில் பல்வேறு போக்குவரத்து விதிமீறல் தொடர்பாக வழக்குப்பதிந்து அபராதம் விதித்தனர்.

மொபைல்போன் பேசியபடி ஓட்டியதாக, 35 வழக்குகள், அதிவேகம்-2, ஹெல்மெட் அணியாமல் டூவீலர் ஓட்டியது-937, சீட் பெல்ட் அணியாமல் சென்றது-15, குடிபோதை வாகன இயக்கம்-94, உரிமம் இல்லாமல் சென்றது-6, டூவீலரில் டிரிபிள்ஸ் சென்றது-29 வழக்குள் உள்பட, 1,704 வழக்குகள் பதிவு செய்தனர்.

இதன் மூலம், இரண்டு லட்சத்து, 99 ஆயிரம் அபராதமாக வசூலித்தனர். 35 பேரின் ஓட்டுனர் உரிமத்தை தற்காலிகமாக ரத்து செய்ய, வட்டார போக்குவரத்து அலுவலருக்கு பரிந்துரை செய்தனர்.