ஈரோடு : ஈரோடு, கொல்லம்பாளையம் பைபாஸ் சாலை, ஆஸ்ரம் மெட்ரிக் மேல்நிலைப்பள்ளி வளாகம், இரண்டாம் தளத்தில் கனரா வங்கி கிராமப்புற சுய வேலைவாய்ப்பு பயிற்சி நிலையம் செயல்படுகிறது. இங்கு, பெண்களுக்கான இலவச தையல் கலை பயிற்சி வரும், 25 முதல் ஜூலை, 30 வரை, 30 நாட்கள் நடக்க உள்ளது. பயிற்சி, சீருடை, உணவு ஆகியவை இலவசமாக வழங்கப்படும். பயிற்சி நிறைவில், அரசு சான்றிதழ் வழங்கப்படும்.

ஈரோடு மாவட்டத்தை சேர்ந்த, 18 முதல், 45 வயதுக்கு உட்பட்டவர்கள் பயிற்சி பெறலாம். வறுமை கோட்டுக்கு கீழ் வாழ்பவர்கள், 100 நாள் வேலை திட்ட பயனாளிகள், அவர்களது குடும்பத்தாருக்கு முன்னுரிமை வழங்கப்படும். விருப்பம் உள்ளவர்கள், 0424 2400338, 87783 23213 என்ற எண்களில் முன்பதிவு செய்து பயிற்சி பெறலாம்.