ஈரோடு, : மாநகராட்சி அறிவித்துள்ள சொத்து வரியை குறைக்க வலியு-றுத்தி, மாநகராட்சி மைய அலுவலகத்தில், அன்னை சத்யா நகர் குடியிருப்போர் சங்கம் மற்றும் கொல்லம்பாளையம் எம்.ஜி.ஆர்., விழிச்சுடர் குடியிருப்போர் சங்கத்தினர், நேற்று மனு கொடுக்கும் போராட்டத்தில் ஈடுபட்டனர். பின் ஆணையாளர் மணீஷிடம், சங்கத்தினர் அளித்த மனுவில் கூறியிருப்பதாவது: மாநகராட்சிக்கு உட்பட்ட நகர்புற வாழ்விட மேம்பாட்டு வாரிய, அன்னை சத்யா நகர் அடுக்குமாடி குடியிருப்பு, கொல்லம்பாளையம் எம்.ஜி.ஆர்., அடுக்குமாடி விழிச்சுடர் குடியிருப்பு மற்றும் இதர குடியிருப்புக-ளுக்கு, மாநகராட்சி நிர்வாகம் சொத்து வரி விதித்துள்ளது. கடந்த வரி விதிப்பை விட பல மடங்கு கூடுதலாக, ஒரே அளவுள்ள குடி-யிருப்புகளுக்கு முரண்பாடாகவும் உள்ளது. எனவே வரி விதிப்பை குறைக்க வேண்டும்.

வேறுபாடான வரி விதிப்பை ஒழுங்குப்படுத்த வேண்டும். இவ்வாறு மனுவில் தெரிவித்துள்-ளனர். இதுகுறித்து ஆலோசித்து நடவடிக்கை எடுக்கப்படும் என்று, மனு கொடுத்த மக்களிடம், கமிஷனர் மணீஷ் உறுதிய-ளித்தார்.