ஆபத்தை உணராது குளியல்

சாணார்பட்டி அருகே மேட்டுக்கடை குளத்தில் தண்ணீர் நிறைந்து உள்ளது. சுற்று பகுதி சிறுவர்கள் ஆபத்தை உணராமல் குளிக்கின்றனர். துறை சார்ந்த அதிகாரிகள் இதுகுறித்து விழிப்புணர்வு ஏற்படுத்த போதிய நடவடிக்கை எடுக்க வேண்டும். சிவராஜா, சாணார்பட்டி.

..........--------ரோட்டில் பெரிய பள்ளம்

ஒட்டன்சத்திரம் வேடசந்துார் ரோட்டில் காளாஞ்சிபட்டி மேம்பாலத்தின் அருகே பெரிய பள்ளம் உள்ளது. இதனை தெரியாது செல்லும் வாகனஓட்டிகள் விபத்தினை சந்திக்கும் நிலை உள்ளது. இதனை சீரமைக்க நடவடிக்கை எடுக்க வேண்டும். - தமிழ்ச்செல்வன் ஒட்டன்சத்திரம்.

...............--------குப்பையால் சுகாதாரக் கேடு

திண்டுக்கல்- திருச்சி நான்கு வழிச்சாலையில் குப்பை குவித்து வைத்துள்ளதால் சுகாதாரக் கேடு ஏற்படுகிறது .பல்வேறு பகுதியில் இருந்து குப்பையை கொட்டி அகற்றப்படாமல் உள்ளது .நோய் பரவும் அபாயமும் ஏற்படுகிறது. குப்பையை அகற்ற வேண்டும். கவுசல்யா, திண்டுக்கல்.

...................---------சிறுநீர் கழிப்பறைக்கு பூட்டு

ஒட்டன்சத்திரம் பஸ்டாண்டில் இலவச சிறுநீர் கழிப்பிடம் பூட்டி உள்ளதால் பயணிகள் சிரமப்படுகின்றனர். உள்ளூர்,வெளியூர் பயணிகள் கண்ட இடங்களில் சிறுநீர் கழிப்பதால் நோய் அபாயம் உள்ளது. கட்டடத்தை திறக்க நடவடிக்கை எடுக்க வேண்டும். கண்ணன், ஒட்டன்சத்திரம்.

.................---------ரோட்டில் திரியும் நாய்கள்

திண்டுக்கல் லட்சுமி சுந்தரம் காலனி சிவா நகரில் இரவு , பகல் நேரங்களில் நாய்கள் ரோட்டில் சுற்றித் திரிகிறது .அவ்வழியே செல்லும் முதியவர்கள் பள்ளிக்குழந்தைகளுக்கு அச்சுறுத்தலாக உள்ளது. நாய்களை கட்டுப்படுத்த நடவடிக்கை எடுக்க வேண்டும். சித்தீக், திண்டுக்கல்.

.....................---------நடவடிக்கை எடுக்கலாமே

செம்பட்டியில் குமுளி பஸ் நிறுத்தம் அருகே மேடையில் ஆக்கிரமிப்பு கடைகள் உள்ளதால் பயணிகளுக்கு இடையூறு ஏற்படுகிறது. இதனால் பயணிகள் ரோட்டிலே நிற்கின்றனர் . ஆக்கிரமிப்பு அடைகளை அகற்ற துறை அதிகாரிகள் நடவடிக்கை எடுக்க வேண்டும்.சி. ராஜேந்திரன், செம்பட்டி.

...................----------சாக்கடையில் கழிவுநீர் தேக்கம்

பழநி அடிவாரம் கிழக்கு பாட்டாளி தெருவில் சாக்கடையை துார்வராமல் கழிவுநீர் தேங்கி நிற்கிறது. குப்பை கொட்டுவதால் சுகாதாரக்கேடும் ஏற்படுகிறது .கொசுக்கள் உற்பத்தியாகும் இடமாகவும் உள்ளது .கால்வாயை துார்வார நடவடிக்கை எடுக்க வேண்டும்.காயத்ரி, பழநி.

.................