ஆத்துார்; சட்டசபை தேர்தலுக்கான ஓட்டுச்சாவடி பிரிப்பு குறித்த அனைத்து கட்சி கூட்டம் ஆத்துார் தாலுகா அலுவலகத்தில் நடந்தது. வாக்காளர் பதிவு அலுவலர் செந்தில்வேல் தலைமை வகித்தார். தாசில்தார் முத்துமுருகன் முன்னிலை வகித்தார்.

2026 சட்டசபை தேர்தலுக்கான தற்போதைய நிலவரப்படி, ஆத்துார் தொகுதியில் 2 லட்சத்து 94 ஆயிரம் வாக்காளர்கள் உள்ளனர். 322 ஓட்டு சாவடிகள் உள்ளன. இதில் 1200 வாக்காளர்களுக்கு மேல் உள்ள 36 ஓட்டுச்சாவடி மையங்களை இரண்டாக பிரித்து கூடுதலாக மையம் ஏற்படுத்துவது என முடிவு செய்யப்பட்டது.