வேடசந்துார்,: வேடசந்துார் ஒன்றிய அ.தி.மு.க., சார்பில் தகவல் தொழில்நுட்ப பிரிவு, கல்வார்பட்டி சேலஞ்சர் வாலிபால் கிளப் சார்பில் பொதுச் செயலாளர் பழனிச்சாமி பிறந்தநாளை முன்னிட்டு கல்வார்பட்டியில் வாலிபால் போட்டிகள் நடந்தது.

இரு நாட்கள் நடந்த சிறுவர்,பெரியவர்களுக்கான போட்டிகளில் வெற்றி பெற்ற அணியினருக்கு வெற்றிக் கோப்பை, பரிசுகள் வழங்கப்பட்டது.

அ.தி.மு.க., மேற்கு ஒன்றிய செயலாளர் ஜான்போஸ், எம்.ஜி.ஆர் ., மன்ற திண்டுக்கல் மேற்கு மாவட்ட துணை செயலாளர் செந்தில், கல்வார்பட்டி அ.தி.மு.க., கிளை அவைத் தலைவர் சுப்பிரமணி, ஜெ.பேரவை ஒன்றிய செயலாளர் தண்டபாணி, சிறுபான்மையினர் நலப் பிரிவு செயலாளர் வேளாங்கண்ணி மற்றும் நிர்வாகிகள் சந்திரசேகரன், சரவணன், கருப்புச்சாமி பங்கேற்றனர்.