கற்கள் பெயர்ந்த தார் ரோடு

அய்யலுார் அப்பி நாயக்கன்பட்டியில் இருந்து கொல்லப்பட்டி புதுார் செல்லும் தார் ரோடு கற்கள் பெயர்ந்து போக்குவரத்துக்கு சிரமம் தருகிறது. வானங்கள் பழுதும் ஏற்படுகிறது .ரோட்டை புதுப்பிக்க நடவடிக்கை எடுக்க வேண்டும்.ராமசாமி, அய்யலுார்.

.................-------

குப்பையால் நோய் தொற்று

திண்டுக்கல் அருகே கொட்டப்பட்டி ஆலங்குளம் அருகே குப்பையை கொட்டி அள்ளாமல் குவிந்துள்ளதால் சுகாதாரக் கேடு ஏற்படுகிறது . இதனால் நோய் பரவும் அபாயமும் ஏற்படுகிறது. குப்பையை அகற்ற நடவடிக்கை எடுக்க வேண்டும்.

சரவணன், கொட்டப்பட்டி.-------..........

முடங்கிய ஆழ்துளை கிணறு

ஆத்துார் ஒன்றியம் அக்கரைப்பட்டியில் கிராம சாவடி அருகே ஆழ்துளை கிணறு செயல்பாடின்றி கிடப்பில் விடப்பட்டு உள்ளது. இதனை செயல்பாட்டிற்கு கொண்டு வர அதிகாரிகள் நடவடிக்கை எடுக்க வேண்டும். -சி.வேலுச்சாமி, அக்கரைப்பட்டி.

...........-------சேதமான மேல்நிலை தொட்டி

திண்டுக்கல் கூட்டுறவு நகர் மேல்நிலைத் தொட்டி அடிப்பகுதியில் சேதம் அடைந்துள்ளதால் விபத்து அபாயம் உள்ளது .ரோட்டோரத்தில் இருப்பதால் இதனை உடனே சீரமைக்க நடவடிக்கை எடுக்க வேண்டும்.விஜயகுமார், திண்டுக்கல்.

........-------மரத்தில் அடிக்கப்படும் ஆணி

திண்டுக்கல் பழைய கரூர் ரோட்டில் மரத்தில் ஆணி அடித்து விளம்பரப் பலகைகளை தொங்க விடுகின்றனர் . மரத்தில் ஆணி அடிப்பதை தடுப்பதோடு தொடர்புடையவர்கள் மீது கடும் நடவடிக்கை எடுக்க வேண்டும். முத்துக்குமரன், திண்டுக்கல்.

..............-------

தாழ்வான மின் பெட்டியால் விபத்து

திண்டுக்கல் ரயில்வே ஸ்டேஷன் ரோட்டில் திறந்த நிலையில் உள்ள மீட்டர் பெட்டியில் விபத்து அபாயம் உள்ளது. தாழ்வாக தொடும் துாரத்தில் உள்ளதால் இதனை சற்று உயரத்தில் அமைக்க நடவடிக்கை எடுக்க வேண்டும். பாலச்சந்தர், திண்டுக்கல்.

............---------சாக்கடையில் தேங்கும் குப்பை

திண்டுக்கல் முனியப்பன் கோயில் தெரு சாக்கடையில் பிளாஸ்டிக் கலந்த குப்பை தேங்கி நிற்பதால் துர்நாற்றம் வீசுகிறது . தொற்றுநோய் பரவும் அபாயமும் உள்ளதால் சாக்கடையை துார்வார நடவடிக்கை எடுக்க வேண்டும்.வினோத் குமார் திண்டுக்கல்.

................-------