நெய்க்காரபட்டி ; பழநி நெய்க்காரபட்டி அருகே வேலுார் மண்டு காளியம்மன், உச்சி காளியம்மன் கோயில் திருவிழாவில் ஏராளமான பக்தர்கள் பூக்குழி இறங்கினர்.

இக்கோயில் திருவிழா மே 21ல் சுவாமி சாட்டுதலுடன் துவங்கியது. நேற்று முன்தினம் (ஜூன் 4 ) சண்முக நதியில் இருந்து நுாற்றுக்கணக்கான பக்தர்கள் அலகு குத்தி தீர்த்தம் எடுத்து வந்தனர். நேற்று (ஜூன் 5 ) அதிகாலை ஏராளமான பக்தர்கள் பூக்குழி இறங்கினர். இதை தொடர்ந்து பொங்கல் வைத்தல், கிடா வெட்டுதல், முடியிறக்குதல், பூச்சட்டி எடுத்தல் போன்ற நேர்த்திக் கடன்களை பக்தர்கள் செய்தனர்.

சுற்று கிராம பக்தர்கள் அம்மனை வழிபட்டனர். நாளை (ஜூன் 7) 1008 திரு விளக்கு பூஜை நடக்க உள்ளது.