திண்டுக்கல் : தமிழ் தொண்டாற்றி வரும் தமிழ் ஆர்வலர்களை ஊக்கமளிக்கும் வகையில் தமிழ் செம்மல் விருது தமிழ் வளர்ச்சித் துறையால் வழங்கப்படுகிறது.

இதற்காக தமிழ் ஆர்வலர்களிடமிருந்து விண்ணப்பங்கள் வரவேற்கப்படுகின்றன.www.tamilvalarchiturai.comல் பதிவிறக்கம் செய்து விவரக்குறிப்பு, நுால்கள், கட்டுரை வெளியிட்டு இருந்தால் அது தொடர்பான விபரங்கள், தமிழ் சங்கங்கள், அமைப்புகளில் பொறுப்பு, உறுப்பினராக இருந்தால் அது தொடர்பான விபரம், தமிழ் அமைப்புகளின் பரிந்துரைக் கடிதம், ஆற்றிய தமிழ் பணிக்கான 2 படங்கள் சான்று, குடியிருப்பு சான்றிதழ், ஆதார் நகல் உடன் மாவட்டத் தமிழ் வளர்ச்சி உதவி இயக்குநர் அலுவலகத்திற்கு ஆக., 12 க்குள் அனுப்பி வைக்க வேண்டும். விவரங்களுக்கு தமிழ் வளர்ச்சி உதவி இயக்குநர் அலுவலகம், கலெக்டர் அலுவலக வளாகம், திண்டுக்கல் என்ற முகவரியில் நேரிலோ, 0451- 2461 585ல் தொடர்பு கொள்ளலாம்.