பாப்பிரெட்டிப்பட்டி, பாப்பிரெட்டிப்பட்டி, பொம்மிடி பகுதியில் கடந்த, 2 தினங்களாக வெயில் வாட்டி எடுத்தது. நேற்று மாலை, 5:00 மணி முதல் வானம் கருமேகங்கள் சூழ்ந்து மேகமூட்டத்துடன் காணப்பட்டது. மாலை, 5:30 முதல் பொம்மிடி சுற்று வட்டார பகுதிகளில் சூறைக்காற்று வீசியது. தொடர்ந்து இடி மின்னலுடன் பலத்த மழை பெய்தது.

இதனால் சாலையில் மழைநீர் பெருக்கெடுத்து ஓடியது. இதனால், மாலை, 5:00 முதல் இரவு, 7:00 மணி வரை பொம்மிடி சுற்றுவட்டார பகுதிகளில் மின் தடை ஏற்பட்டது. கன மழையால் குளிர்ந்த சீதோஷ்ண நிலை ஏற்பட்டது. நேற்றிரவு, ஒரு மணி நேரத்தில், 98.8 மி.மீ., மழையளவு பொம்மிடியில் பதிவாகியுள்ளது. தொடர்ந்து மழை பெய்து வருவதால் விவசாயிகள் மகிழ்ச்சி அடைந்துள்ளனர்.