தர்மபுரி, தமிழக முதல்வர் ஸ்டாலின், தஞ்சாவூர் மாவட்டத்தில், அரசு போக்குவரத்து துறையின் சார்பில், புதிய விரிவான மினி பஸ் திட்டத்தை தொடங்கி வைத்தார்.

அதை தொடர்ந்து, தர்மபுரி டவுன் பஸ் ஸ்டாண்டில், காணொலி காட்சி மூலம் நடந்த நிகழ்ச்சிக்கு, தர்மபுரி, தி.மு.க., -- எம்.பி., மணி, தர்மபுரி, பா.ம.க., - -எம்.எல்.ஏ., வெங்கடேஷ்வரன் ஆகியோர் முன்னிலை வகித்தனர். மாவட்ட கலெக்டர் சதீஸ், 26 மினி பஸ்களை தொடங்கி வைத்து, வழித்தடங்களுக்கான ஆணையை வழங்கினார்.

தொடர்ந்து, 'சாலை பாதுகாப்பு- உயிர் பாதுகாப்பு' மற்றும் பைக் ஓட்டுனர்களுக்கு தலைக்கவசம் அணிவதன் முக்கியத்துவம் குறித்து, விழிப்புணர்வு ஏற்படுத்த, இருசக்கர வாகன ஓட்டிகள் மற்றும் பொதுமக்களுக்கு துண்டு பிரசுரங்களை கலெக்டர் சதீஸ் வழங்கினார்.