அரூர் : அரூர் ஒழுங்குமுறை விற்பனை கூடத்தில், நேற்று நடந்த மஞ்சள் ஏலத்தில், 7.69 லட்சம் ரூபாய்க்கு விற்பனையானது.

தர்மபுரி மாவட்டம், அரூர் ஒழுங்குமுறை விற்பனை கூடத்தில், நேற்று இ-நாம் மூலம் மஞ்சள் ஏலம் நடந்தது. இதில் விரலி மஞ்சள் ஒரு குவிண்டால் அதிகபட்சமாக, 16,649 ரூபாய், குறைந்தபட்சமாக, 10,899 ரூபாய்க்கு விற்பனையானது. இதேபோல் கிழங்கு மஞ்சள், ஒரு குவிண்டால் அதிகபட்சமாக, 15,709 ரூபாய், குறைந்தபட்சமாக, 7,509 ரூபாய்க்கு விற்பனையானது. மொத்தம், 7.69 லட்சம் ரூபாய்க்கு விற்பனையானதாக அதிகாரிகள் தெரிவித்தனர்.