கடலுார் : சிதம்பரம் தொகுதியில் திருமாவளவன், விழுப்புரத்தில் ரவிக்குமார் வெற்றி பெற்றதையொட்டி, கடலுாரில் வி.சி., கட்சியினர் பட்டாசு வெடித்து கொண்டாடினர்.மாநகராட்சி துணை மேயர் தாமரைச்செல்வன் தலைமை தாங்கினார்.

வி.சி., கட்சி மாவட்ட செயலாளர் செந்தில், நிர்வாகிகள் திருமார்பன், முல்லைவேந்தன், ஸ்ரீதர், பழனிவேல், முரளி முன்னிலை வகித்தனர். நகர செயலாளர்கள் ராஜதுரை, செங்கதிர் வரவேற்றனர். மாநகர தி.மு.க., செயலாளர் ராஜா, காங்., மாநில செயலாளர் சந்திரசேகரன் ஆகியோர் இனிப்பு வழங்கினர்.அப்போது, காங்., மாவட்ட செயலாளர் திலகர், மா.கம்யூ., நகர செயலாளர் அமர்நாத், இந்திய கம்யூ., மாவட்ட துணை செயலாளர் குளோப், ம.ம.க., மாவட்ட செயலாளர் ரஹிம், இந்திய யூனியன் முஸ்லிம் லீக் மாவட்ட செயலாளர் முகமது இஸ்மாயில் உட்பட பலர் கலந்து கொண்டனர்.