விருத்தாசலம் : விருத்தகிரீஸ்வரர் கோவில் உண்டியல்களில், 7 லட்சத்து 58 ஆயிரத்து 697 ரூபாய் காணிக்கை இருந்தன.

விருத்தாசலம் விருத்தகிரீஸ்வரர் கோவிலில் உள்ள 9 நிரந்தர உண்டியல்கள் மற்றும் 1 திருப்பணி உண்டியலை திறந்து காணிக்கை எண்ணும் பணி நேற்று நடந்தது. ஹிந்து சமய அறநிலையத்துறை உதவி ஆணையர் சந்திரன், செயல் அலுவலர் மாலா முன்னிலையில் தன்னார்வலர்கள், இந்தியன் ஓவர்சீஸ் வங்கி ஊழியர்கள் பங்கேற்றனர்.

அதில், 7 லட்சத்து 58 ஆயிரத்து 697 ரூபாய் ரொக்கம், ஒரு கிராம் தங்கம், 50 கிராம் வெள்ளிப்பொருட்கள் காணிக்கையாக இருந்தன. மேலும், 5 திராம்ஸ், 2 ரிங்கெட் ஆகிய வெளிநாட்டு கரன்சி நோட்டுகள் இருந்தன.

கிழக்கு கோபுர வாசலில் திறந்தவெளி உண்டியலில் மழையால் நனைந்த ரூபாய் நோட்டுகள் உலர்த்தி, மீண்டும் எண்ணப்பட்டன.