சிதம்பரம் : சிதம்பரம் நடராஜர் கோவிலில் நாளை தேர் திருவிழா நடக்கிறது.

சிதம்பரம் நடராஜர் கோவிலில், ஆனி திருமஞ்சன விழா, கடந்த 3ம் தேதி கொடியேற்றத்துடன் துவங்கியது. தொடர்ந்து தினமும் சுவாமி வீதியுலா நடந்து வருகிறது. கடந்த 7ம் தேதி தெருவடைச்சான் உற்சவம் நடைபெற்றது.

இன்று தங்கத்தேரில் பிச்சாண்டவர் வீதியுலா நடக்கிறது. தேர் திருவிழா நளை 11ம் தேதி நடக்கிறது. மூலவர்களான நடராஜர், சிவகாமசுந்தரி மற்றும் சுப்ரமணியர், விநாயகர், சண்டிகேஸ்வரர் ஆகிய சுவாமிகள் 5 தேர்களில் வலம் வருவர்.

அதனையொட்டி 5 தேர்கள் கட்டும் பணி நடைபெற்று வருகிறது. தேர் உறுதி தன்மை குறித்து, இன்று பொதுப்பணி துறை அதிகாரிகள் ஆய்வு செய்ய உள்ளனர். 12ம் தேதி) ஆனி திருமஞ்சன தரிசன விழா நடக்கிறது.