விருத்தாசலம் : விருத்தாசலத்தில் 16 வயது சிறுமியை கர்ப்பமாக்கிய 70 வயது முதியவர் மீது போலீசார், போக்சோ சட்டத்தில் வழக்குப் பதிந்து விசாரித்து வருகின்றனர்.

விருத்தாசலம் காந்தி நகர் வ.உ.சி., தெருவை சேர்ந்தவர் கொளஞ்சிநாதன், 70. இவர், விருத்தாசலம் பகுதியைச் சேர்ந்த 16 வயது சிறுமியை பாலியல் பலாத்காரம் செய்துள்ளார். இந்நிலையில், சிறுமிக்கு ஏற்பட்ட மாற்றத்தை அறிந்த அவரது தாய், சிறுமியிடம் விசாரித்த போது நடந்த சம்பவம் குறித்து கூறியுள்ளார்.

அதைத்தொடர்ந்து, சிறுமியை தனியார் மருத்துவமனையில் பரிசோதனை செய்தனர். அதில், சிறுமி கர்ப்பமாக இருந்தது உறுதிசெய்யப்பட்டது.

இதுகுறித்து சிறுமியின் தாய் கொடுத்த புகாரின் பேரில், விருத்தாசலம் அனைத்து மகளிர் போலீசார், கொளஞ்சிநாதன் மீது போக்சோ சட்டத்தில் வழக்கு பதிந்து விசாரித்து வருகின்றனர்.