கோவை : ராம்நகரிலுள்ள ஸ்ரீ கோதண்டராமஸ்வாமி தேவஸ்தானத்தில், ஸ்ரீ ஹனுமத் ஜெயந்தி உற்சவம் இன்று நடக்கிறது.

ஸ்ரீ கோதண்ட ராமஸ்வாமி தேவஸ்தானத்தில்(ஸ்ரீராமர் கோவில்)ஸ்ரீ ஹனுமத்ஜெயந்தி உற்சவம் நேற்று முன் தினம் காலை 8:30 மணிக்கு சங்கல்பம், கலசஸ்தாபனம், ஜபம், தீபாராதனையுடன் துவங்கியது.

நேற்று காலை 9:15 மணிக்கு, அஷ்டோத்ர சதமஹா ஹரி வாயுஸ்துதி ஹோமம், பகல் 1:00 மணிக்கு மஹாபூர்ணாஹுதி தீபாராதனை, மாலை 6:30க்கு ரிக்வேத கணபாராயணம் நடந்தது.

இன்று காலை 5:00 மணிக்கு ஆஞ்சநேயசுவாமிக்கு அபிஷேகம், பவமான, பளித்தா, வாயு, ஸீக்தஹோமம், ஸ்ரீ ராமர், சீதா, ஹனுமான் மூல மந்த்ர ஹோமங்கள், 8:30 மணிக்கு மஹாதீபாராதனை, மாலை 6:30 மணிக்கு வேதபாராயணத்துடன் திருவீதி உலா நடக்கிறது. இதற்கான ஏற்பாடுகளை, ஸ்ரீ கோதண்டராமஸ்வாமி தேவஸ்தான அறங்காவலர் குழு செய்துள்ளது.