கோவை: மாவட்ட பிற்படுத்தப்பட்டோர், மிகப்பிற்படுத்தப்பட்டோர், சீர்மரபினர் மற்றும் சிறுபான்மையினர் நல சமூக நீதி விடுதி பள்ளி, கல்லுாரி மாணவ, மாணவியருக்கு 'கலைத்திருவிழா' என்ற பெயரில், நேரு ஸ்டேடியத்தில் விளையாட்டு போட்டிகள் நடந்தன.

இதில், 6-9 வகுப்பு வரை உள்ள மாணவ, மாணவியருக்கு, 100 மீ., ஓட்டம், நீளம் தாண்டுதல் போட்டிகள் நடந்தன.

10-12 வகுப்பு வரை உள்ளவர்களுக்கும் இதேபோல் பல்வேறு போட்டிகள் நடத்தப்பட்டன. தொடர்ந்து, கோவை அரசு கலைக் கல்லுாரியில் சுற்றுச்சூழல் பாதுகாப்பு உள்ளிட்ட தலைப்புகளில் கட்டுரை, பேச்சுப்போட்டிகளும் நடத்தப்பட்டன.

போட்டிகளில், 250க்கும் மேற்பட்டோர் பங்கேற்ற நிலையில், ஒவ்வொரு பிரிவிலும் முதல் மூன்று இடங்களை பிடித்த மாணவ, மாணவியர் தேர்வு செய்யப்பட்டுள்ளனர். மாவட்ட பிற்படுத்தப்பட்டோர் நலத்துறை அலுவலர் சங்கீதா, கண்காணிப்பாளர் கோமதி, மாவட்ட விளையாட்டு அலுவலர் புவனேஸ்வரி ஆகியோர் போட்டிகளை நடத்தினர்.