கோவை; வாடிப்பட்டி - சோழவந்தான் இடையே, தண்டவாளம் மாற்றும் பணிகள் நடக்க உள்ளதால், ரயில் இயக்கத்தில் மாற்றம் செய்யப்பட்டுள்ளது.

திண்டுக்கல் - மதுரை ரயில் பாதையில், வாடிப்பட்டி - சோழவந்தான் இடையே தண்டவாளம் மாற்றும் பணிகள் நடக்க உள்ளன. இதை முன்னிட்டு, ரயில் இயக்கத்தில் மாற்றம் செய்யப்பட்டுள்ளது.

அதன்படி, கோவையிலிருந்து காலை 8:00 மணிக்கு புறப்படும், கோவை - நாகர்கோவில் (16322) எக்ஸ்பிரஸ் ரயில், நாளை மற்றும் நாளை மறுதினம், திண்டுக்கல் - நாகர்கோவில் இடையே இயக்கப்படாது. கோவையில் இருந்து திண்டுக்கல் வரையே இயக்கப்படும். நாளை முன்பதிவில்லாத சிறப்பு ரயில், திண்டுக்கலில் இருந்து மாலை 3:45 மணிக்கு புறப்படும்.