கோவை; வேளாண் பல்கலை பட்டமளிப்பு விழாவில் பங்கேற்க, தமிழக கவர்னர் ரவி இன்று கோவை வருகை தருகிறார்.

தமிழ்நாடு வேளாண் பல்கலையின், 45வது பட்டமளிப்பு விழா, பல்கலை வளாகத்தில், இன்று காலை 11:00 மணிக்கு நடக்கிறது. இதில் பங்கேற்க, தமிழக கவர்னர் ரவி இன்று கோவை வருகை தருகிறார்.

காலை 8:20 மணிக்கு சென்னையில் இருந்து விமானம் வாயிலாக புறப்படும் கவர்னர், காலை 9:25 மணிக்கு கோவை விமான நிலையம் வருகிறார். அங்கிருந்து சாலை மார்க்கமாக ரேஸ்கோர்ஸில் உள்ள அரசு விருந்தினர் மாளிகைக்கு செல்கிறார். காலை உணவுக்கு பின், காலை 10:40 மணிக்கு புறப்பட்டு வேளாண் பல்கலை செல்கிறார்.

பல்கலையில் நடக்கும் பட்டமளிப்பு விழாவில் பங்கேற்ற பின், பிற்பகல் 3:10 மணிக்கு விமானம் வாயிலாக சென்னை செல்கிறார். கவர்னர் வருகையை முன்னிட்டு, கோவையில் பலத்த போலீஸ் பாதுகாப்பு போடப்பட்டுள்ளது.