கோவை:கோவை மாவட்ட கிரிக்கெட் சங்கம் சார்பில், 'காசா கிராண்ட்' கோப்பைக்கான ஐந்தாம் டிவிஷன் கிரிக்கெட் லீக் போட்டி பி.எஸ்.ஜி., மருத்துவ கல்லுாரி மைதானத்தில் நடந்தது. இதில் அப்பாசாமி கிரிக்கெட் கிளப் மற்றும் ஜி.சி.சி., அணிகள் மோதின.

டாஸ் வென்ற அப்பாசாமி அணி, முதலில் பீல்டிங் தேர்வு செய்தது. முதலில் பேட்டிங் செய்த ஜி.சி.சி., அணி, 44.4 ஓவர்களில் 149 ரன்களுக்கு ஆல் அவுட்டானது.

அணியின் கவுதம் 38 ரன்கள் சேர்த்தார். அப்பாசாமி அணியின் பிரதீப் ஐந்து விக்கெட்களை வீழ்த்தினார். கருணா மூர்த்தி இரண்டு விக்கெட் கைப்பற்றினார்.

வெற்றிக்கு 150 ரன்கள் தேவை என்ற, எளிய இலக்குடன் களமிறங்கிய அப்பாசாமி அணி வீரர்கள் சின்னசாமி (40), பிரபு (32) மற்றும் பிரதீப் (31*) ஆகியோரின் பொறுப்பான ஆட்டத்தால், 35.3 ஓவர்களில் மூன்று விக்கெட் மட்டும் இழந்து, 150 ரன்கள் எடுத்து வெற்றி பெற்றது.