கோவை: சாய்பாபா காலனி பகுதியை சேர்ந்தவர் மாதேஷ்,32. இவர், கஞ்சா விற்பனை செய்தது தொடர்பாக கைது செய்யப்பட்டு, நிபந்தனை ஜாமினில் விடுவிக்கப்பட்டார். கோர்ட்டில் ஆஜராக வந்தார்.

ஜே.எம்:5, கோர்ட் அமைந்துள்ள, மாஜிஸ்திரேட் கோர்ட் கட்டடத்தின் முதல் மாடியில் காத்திருந்த போது, திடீரென கீழே குதித்தார். அவரை மீட்டு, கோவை அரசு மருத்துவமனையில் சேர்த்தனர். அவரது காலில் லேசான காயம் ஏற்பட்டதால் சிகிச்சை அளிக்கப்பட்டு வருகிறது. ரேஸ்கோர்ஸ் போலீசார் விசாரிக்கின்றனர்.