பொள்ளாச்சி:பொள்ளாச்சி சந்தைக்கு, மாடுகள் வரத்து குறைந்து இருந்தாலும், வியாபாரம் விறுவிறுப்பாக நடந்தது.

பொள்ளாச்சி மாட்டு சந்தை நேற்று கூடியது. ஆந்திரா, கர்நாடகா உள்ளிட்ட வெளி மாநிலங்கள் மற்றும் தமிழகத்தின் பல்வேறு மாவட்டங்களில் இருந்து மாடுகள் விற்பனைக்காக சந்தைக்கு கொண்டு வரப்பட்டன.

வியாபாரிகள் கூறியதாவது:

மழை உள்ளிட்ட காரணங்களினால், பொள்ளாச்சி சந்தைக்கு மாடுகளின் வரத்து குறைந்து காணப்பட்டது. 2,000 மாடுகள் மட்டுமே வரத்து இருந்தது. ஆனால், விற்பனை விறுவிறுப்பாக நடந்தது.

நாட்டு காளை, 55 - 60 ஆயிரம் ரூபாய், நாட்டு பசு, 35 - 40 ஆயிரம், நாட்டு எருமை, 40 - 45 ஆயிரம், முரா, 55 - 60 ஆயிரம் ரூபாயும்; ஜெர்சி, 30 - 35 ஆயிரம் ரூபாய்க்கு விற்பனை செய்யப்பட்டது.

இவ்வாறு, கூறினர்.