கோவை; ஒன்று முதல், 9ம் வகுப்பு வரை பயிலும் மாணவர்களுக்கு முழு ஆண்டு தேர்வு அட்டவணை வெளியிடப்பட்டுள்ளது.

அரசு, அரசு உதவிபெறும், தனியார் பள்ளிகளுக்கு ஒன்று முதல் ஐந்தாம் வகுப்பு வரைக்கும், ஆறு முதல், 9ம் வகுப்பு வரையிலான மாணவர்களுக்கும், 2024-25ம் கல்வியாண்டுக்கான முழு ஆண்டு தேர்வு அட்டவணையை பள்ளி கல்வித் துறை வெளியிட்டுள்ளது.

அதன்படி, ஒன்று முதல் ஐந்தாம் வகுப்பு மாணவர்களுக்கு ஏப்., 9 முதல், 21ம் தேதி வரை, தமிழ், ஆங்கிலம், கணிதம், அறிவியல், சமூக அறிவியல் பாடங்களுக்கு தேர்வு நடக்கிறது. ஆறு முதல், 9ம் வகுப்பு வரை மாணவர்களுக்கு ஏப்., 8 முதல், 24ம் தேதி வரை தேர்வு நடைபெறும் என தெரிவிக்கப்பட்டுள்ளது.