கோவை:மாவட்ட அளவில் நடந்த கிரிக்கெட் லீக் போட்டியில், ஸ்ரீ அணி அபார வெற்றி பெற்றது.

கோவை மாவட்ட கிரிக்கெட் சங்கம் சார்பில், 'காசா கிராண்ட் கோப்பை'க்கான ஐந்தாவது டிவிஷன் கிரிக்கெட் லீக் போட்டி, பீளமேட்டில் உள்ள பி.எஸ்.ஜி., ஐ.எம்.எஸ்., ஏ., மைதானத்தில் நடந்தது. இப்போட்டியில் ஸ்ரீ அணி மற்றும் கே.எப்., அணிகள் மோதின.

முதலில் பேட்டிங் செய்த ஸ்ரீ அணி, 50 ஓவர்களில், 8 விக்கெட் இழப்புக்கு 193 ரன்களை சேர்த்தது. அடுத்து களம் இறங்கிய கே.எப்., அணி, 36.3 ஓவர்களில், 10 விக்கெட் இழப்புக்கு, 99 ரன்களில் படுதோல்வி அடைந்தது. இந்த அணியின் அருண்குமார் பொறுப்பாக விளையாடி, 36 ரன்கள், 3 விக்கெட்டுகளை கைப்பற்றினார்.

அதேபோல ஸ்ரீ அணியில் பிரசன்னா, 41 ரன்கனையும், கணேஷ், 3 விக்கெட்களையும் எடுத்தனர்.