குன்றத்துார் ;குன்றத்துாரில் தாலுகா அலுவலகம், குன்றத்துார் முருகன் கோவில், மாங்காடு காமாட்சி அம்மன் கோவில் ஆகியவை அமைந்துள்ளன.

அதேபோல், படப்பையில் வட்டார வளர்ச்சி அலுவலகம், வேளாண்மை, தோட்டக்கலை, பொதுப்பணி உள்ளிட்ட பல்வேறு துறை அரசு அலுவலகங்கள் இயங்குகின்றன.

இந்நிலையில், குன்றத்துாரில் இருந்து படப்பைக்கு நேரடி அரசு பேருந்து வசதி இல்லை. இதனால், படப்பை மற்றும் அதை சுற்றியுள்ள 20 கிராம மக்கள், குன்றத்துார் செல்ல தாம்பரம் வழியாக சுற்றிச் செல்கின்றனர்.

குன்றத்துார் மற்றும் அதை சுற்றியுள்ள 25க்கும் மேற்பட்ட கிராம மக்கள், படப்பைக்கு தாம்பரம் சென்று மற்றொரு பேருந்து பிடித்து சென்று திரும்புகின்றனர்.

அதனால், பொதுமக்களுக்கு காலமும், பணமும் வீணாகிறது. எனவே, குன்றத்துாரில் இருந்து சோமங்கலம் வழியே படப்பைக்கு சிற்றுந்து இயக்க வேண்டும் என, அப்பகுதிவாசிகள் வேண்டுகோள் விடுத்துள்ளனர்.