'உலக அங்கீகாரம் பெற உழைக்கணும்'

சென்னை ஐ.ஐ.டி., இயக்குனர் காமகோடி பேசுகையில், ''குழந்தைகளுக்கு ஆங்கில நர்சரி பாடல்களை சொல்வதால் பயன் இல்லை. 'அறம் செய விரும்பு' போன்ற அறக்கருத்துகள் நிறைந்த தமிழ் இலக்கியங்களை கற்பிக்க வேண்டும். ''தாய்மொழியில் துவக்க கல்வி அமைந்தால், பண்பாடும், நம் கருத்துகளும் குழந்தைகளிடம் பதியும். கொரோனா தொற்றின் போது நாம் பயன்படுத்திய கபசுர குடிநீர் உள்ளிட்ட மருத்துவ குறிப்புகளுக்கு உலக அங்கீகாரம் பெற உழைக்க வேண்டும்,'' என்றார்.

'தினமலர்' நாளிதழ் இணை இயக்குனரும், தாமரை பிரதர்ஸ் மீடியா பதிப்பகத்தின் இயக்குனருமான ரா.லட்சுமிபதி பேசுகையில், ''தமிழில் தரமான நுால்களை மட்டுமே பதிப்பிக்க வேண்டும் என்ற நோக்கத்துடன் துவக்கப்பட்ட தாமரை பதிப்பகம், பல ஆன்மிக, அறிவியல் நுால்களை பதிப்பித்துள்ளது. இது, ஆன்மிக - அறிவியல் சிந்தனை உள்ள அரிய நுால். ''நுாலாசிரியர் 37 ஆண்டு கால ஆட்சி பணி அனுபவம் உள்ளவர். அவர் தன் ஊரில் நுாலகம் அமைக்க, 5 லட்சம் ரூபாயையும், 6 சென்ட் நிலத்தையும் தந்தவர். ''அவர் தமிழர்களின் நலனுக்காக எழுதிய இந்த நுாலை, அனைவரிடமும் கொண்டு சேர்க்கும் பணியை தாமரை பதிப்பகம் செய்யும்,'' என்றார்.