காசிமேடு:காசிமேடு துறைமுகத்தில், ஒவ்வொரு ஞாயிற்றுக்கிழைமையும் மீன் வாங்க சென்னை புறநகர் பகுதிகளில் இருந்து மட்டுமின்றி, பிற மாவட்டங்களில் இருந்தும் மக்கள் வருவர். இதனால், அதிகாலை முதலே அப்பகுதி மக்கள் வெள்ளமாக காட்சியளிக்கும்.

அந்தவகையில், ஞாயிற்றுக்கிழமையான நேற்று அதிகாலை முதலே, காசிமேடு துறைமுகத்தில் மக்கள் கூட்டம் அதிகமாக காணப்பட்டது. 40க்கும் மேற்பட்ட படகுகள் கரை திரும்பின. இருந்தும், மீன் வரத்து குறைவாக இருந்ததால், மீன் விலை உயர்ந்து காணப்பட்டது. பொதுமக்கள் பேரம் பேசி மீன்களை வாங்கி சென்றனர்.

மீன் விலை நிலவரம்

மீன் வகை கிலோ (ரூ.)

வஞ்சிரம் 850 - 900

வெள்ளை வவ்வால் 1,200

கறுப்பு வவ்வால் (சிறியது) 500 - 600

கறுப்பு வவ்வால் (பெரியது) 700 - 800

பாறை 400 - 500

சங்கரா 400 - 450

சீலா 300 - 400

நெத்திலி 300

கானாங்கத்த 200 - 300

கவளை 50 - 100

நண்டு 300

இறால் 300 - 400

டைகர் இறால் 1,100