சென்னை:ரயில் பாதை பராமரிப்பு பணி காரணமாக, சென்ட்ரல் - கும்மிடிப்பூண்டி தடத்தில் மூன்று நாட்களுக்கு, 19 மின்சார ரயில்களின் சேவை ரத்து செய்யப்படுகிறது.

இதுகுறித்து, சென்னை ரயில் கோட்டம்வெளியிட்ட அறிக்கை:

கவரைப்பேட்டை - கும்மிடிப்பூண்டி ரயில் நிலையங்களுக்கு இடையே இன்று, வரும் 16, 19ம் தேதிகளில் காலை 11:20 மணி முதல் மாலை 3:20 மணி வரை, ரயில் பாதை பராமரிப்பு பணிகள் நடக்க உள்ளன.

இதனால், மூன்று நாட்களிலும் மின்சார ரயில்களின் சேவையில் மாற்றம் செய்யப்பட்டுள்ளது.

19 ரயில்கள் ரத்து★ கடற்கரை - கும்மிடிப்பூண்டி காலை 9:40, மதியம் 12:40 மணி ரயில்கள் ரத்து செய்யப்பட்டுள்ளன

★ சென்ட்ரல் - சூலுார்பேட்டை காலை 10:15, மதியம் 12:10, 1:05; கும்மிடிப்பூண்டிக்கு காலை 10:30, காலை 11:35; சூலுார்பேட்டை - நெல்லுார் மாலை 3:50, சென்ட்ரல் - ஆவடி இரவு 11:40 மணி ரயில்கள் ரத்து செய்யப்பட்டுள்ளன

★ கும்மிடிப்பூண்டி - கடற்கரை காலை 10:55, சென்ட்ரலுக்கு மதியம் 1:00, 2:30, மாலை 3:15 மணி ரயில்கள் ரத்து செய்யப்பட்டுள்ளன

★ சூலுார்பேட்டை - சென்ட்ரலுக்கு மதியம் 1:15, மாலை 3:10, நெல்லுார் - சூலுார்பேட்டை மாலை 6:45, சூலுார்பேட்டை - சென்ட்ரல் இரவு 9:00 மணி ரயில்களின் சேவை ரத்து செய்யப்பட்டுள்ளன

ஒரு பகுதி ரத்து

★ செங்கல்பட்டு - கும்மிடிப்பூண்டி காலை 9:55 மணி ரயில், கடற்கரை வரை மட்டுமே இயக்கப்படும்

★ கும்மிடிப்பூண்டி - தாம்பரம் மாலை 3:00 மணி ரயில், கடற்கரை வரை மட்டுமே இயக்கப்படும்

சிறப்பு ரயில்கள்

★ சென்ட்ரல் - பொன்னேரிக்கு காலை 10:30, பகல் 12:40, மீஞ்சூருக்கு காலை 11:35 மணிக்கு சிறப்பு ரயில்கள் இயக்கப்பட உள்ளன

★ பொன்னேரி - சென்ட்ரலுக்கு மதியம் 1:18, மீஞ்சூர் - சென்ட்ரலுக்கு மதியம் 2:59, பொன்னேரி - சென்ட்ரலுக்கு மாலை 3:33 மணிக்கு சிறப்பு ரயில்கள் இயக்கப்பட உள்ளன

இவ்வாறு அதில் கூறப்பட்டுள்ளது.