சென்னை சென்னை விமான நிலையத்தில், நேற்று 10 விமானங்களின் சேவை ரத்தானதால் பயணியர் பரிதவித்தனர்.

சென்னையில் இருந்து நேற்று மாலை, ஏர் இந்தியா எக்ஸ்பிரஸ் நிறுவனத்தின், 5:30 மணிக்கு டில்லி செல்லும் விமானம், இரவு 8:35 மணிக்கு கொச்சி, இரவு 9:20 மணிக்கு புனே, 9:45 மணிக்கு டில்லி; இரவு 9:55 மணிக்கு ஹைதராபாத் செல்லும் விமானம் என, ஐந்து புறப்பாடு விமானங்கள் ரத்து செய்யப்பட்டன.

இதேபோல், மற்ற நகரங்களில் இருந்தும், சென்னை வரும் ஐந்து விமானங்களையும், ஏர் இந்தியா எக்ஸ்பிரஸ் நிறுவனம் முன்னறிவிப்பின்றி ரத்து செய்தது. இதனால், பயணியர் பரிதவிக்கும் நிலை ஏற்பட்டது.