சென்னை, தலைக்கவசம் அணியாமல்,'பைக்' ஓட்டிச் சென்ற நடிகர் பிரசாந்திற்கு, 2,000 ரூபாய் அபராதம் விதிக்கப்பட்டது.

திரைப்பட நடிகர் பிரசாந்த் சமீபத்தில், 'ராயல் என்பீல்டு' பைக்கில் தலைக்கவசம் அணியாமல், தொகுப்பாளினி ஒருவருடன் பாண்டிபஜார் பகுதியில் சென்றுள்ளார்.

இது, அப்பகுதியில் இருந்த கண்காணிப்பு கேமராவில் பதிவாகி இருந்தது.

தொடர்ந்து, கண்காணிப்பு கேமராவில் பதிவான காட்சியை வைத்து, பாண்டிபஜார் போக்குவரத்து ஆய்வாளர் அசோகன் நேற்று, நடிகர் பிரசாந்திற்கு, 2,000 ரூபாய் அபராதம் விதித்துள்ளார்.

கடந்த சில மாதங்களுக்கு முன், கிழக்கு கடற்கரை சாலையில் சிக்னலை மதிக்காமல் காரில் சென்ற நடிகர் விஜய்க்கு, அபராதம் விதிக்கப்பட்டது குறிப்பிடத்தக்கது.