திருப்போரூர்:திருப்போரூர் கந்தசுவாமி கோவிலில் இன்று, ஐந்து ஜோடிகளுக்கு இலவச திருமணம் நடத்தி வைக்கப்படுகிறது.

ஹிந்து சமய அறநிலையதுறையின் கீழ் உள்ள கோவில்களில், துறை சார்பில், 60,000 ரூபாய் செலவில் திருமணம் நடத்தும் திட்டம் உள்ளது.

அதன்படி, திருப்போரூர் கந்தசுவாமி கோவிலில், இன்று காலை 9:00 மணியளவில்,ஐந்து ஜோடிகளுக்கு இலவச திருமணம் நடத்தி வைக்கப்படுகிறது.

இத்திட்டத்தில், 60,000 ரூபாய் மதிப்பில் மணமக்களுக்கு 4 கிராம் தங்க திருமாங்கல்யம், மணமகன், மணமகளுக்கு ஆடைகள் வழங்கப்படும்.

மேலும் மெத்தை, பீரோ, கட்டில், தலையணை, பாய், மிக்ஸி, பூஜை பொருட்கள், பாத்திரங்கள், அறுசுவை விருந்து உள்ளிட்டவை வழங்கப்படுவதாக, கோவில் நிர்வாகம் தெரிவித்துள்ளது.