எந்த பலனும் இல்லை

காப்புக்காடுகளில் 'சிசிடிவி' கேமராக்களுடன், சோலார் மின்விளக்குகள் பொருத்தும் திட்டம் குறித்து, செங்கை விவசாயிகள் நலச்சங்க தலைவர் பெருக்கரணை வெங்கடேசன் கூறியதாவது:சோலார் விளக்குகள் அமைப்பதன் வாயிலாக, 'டெண்டர்' எடுக்கும் நிறுவனம் மற்றும் சம்பந்தப்பட்ட துறையினர் லாபம் அடையலாம். இதுபோன்ற திட்டங்களால், விவசாயிகளுக்கு எந்தவித பலனும் இல்லை.காட்டு விலங்குகளால், விவசாய பயிர்கள் சேதம் அடைந்த உடனே, வனத்துறையினர் ஆய்வு செய்து, விவசாயிகளுக்கு உடனடியாக உரிய இழப்பீட்டினை வழங்க வேண்டும்.காப்புக்காடுகளை ஒட்டி உள்ள விளை நிலங்கள் அமைந்துள்ள பகுதிகளில், அகழிகள் ஏற்படுத்துவதன் வாயிலாக, காட்டுப்பன்றிகள் பயிர்களை சேதப்படுத்துவதை தவிர்க்க முடியும்.