காந்திநகர்: ஜூனியர் உலக செஸ் சாம்பியன்ஷிப் 10வது சுற்றில் வெற்றி பெற்றார் திவ்யா.

குஜராத்தில் ஜூனியர் உலக செஸ் சாம்பியன்ஷிப் தொடர் நடக்கிறது. பெண்களுக்கான பிரிவில் 101 பேர் பங்கேற்கின்றனர். 10வது சுற்றில் இந்தியாவின் திவ்யா தேஷ்முக், சக வீராங்கனை சச்சி ஜெயினை எதிர்கொண்டார். வெள்ளை நிற காய்களுடன் களமிறங்கினார் திவ்யா. துவக்கத்தில் இருந்தே ஆதிக்கம் செலுத்திய திவ்யா, போட்டியின் 26 வது நகர்த்தலில் வெற்றி பெற்றார்.

மற்ற போட்டிகளில் இந்தியாவின் ரக்சித்தா, தேஜஸ்வினி, பிரிஸ்டி, ரெபெக்கா, உள்ளிட்டோர் வெற்றி பெற்றனர். பத்து சுற்றில் 8 வெற்றி, 2 'டிரா' செய்த திவ்யா, 9.0 புள்ளியுடன் தொடர்ந்து முதலிடத்தில் நீடிக்கிறார். ஆர்மேனியாவின் மரியம் (8.5), ரக்சித்தா (7.5) அடுத்த இரு இடத்தில் உள்ளனர்.