ஜெட்டா: கிங்ஸ் கோப்பை கால்பந்து பைனலில் கிறிஸ்டியானோ ரொனால்டோவின் அல்-நாசர் அணி, 'பெனால்டி ஷூட் அவுட்' முறையில் தோல்வி அடைந்தது. கோப்பை நழுவிய சோகத்தில் அழுதார் ரெனால்டோ.

சவுதியின் ஜெட்டாவில் உள்ள அப்துல்லா ஸ்போர்ட்ஸ் மைதானத்தில் நடந்த கிங்ஸ் கோப்பை கால்பந்து பைனலில் அல்-நாசர், அல்-ஹிலால் கிளப் அணிகள் மோதின. அல்-நாசர் அணிக்காக போர்ச்சுகலின் நட்சத்திர வீரர் ரொனால்டோ விளையாடினார். 7வது நிமிடத்தில் அலெக்சாண்டர் மிட்ரோவிச் கோல் அடிக்க, அல்-ஹிலால் அணி 1-0 என முன்னிலை பெற்றது.

ஆட்டத்தின் 88வது நிமிடத்தில் அல்-நாசர் அணியின் அய்மன் யாஹ்யா ஒரு கோல் அடிக்க, ஆட்டம் 1-1 என சமநிலையை எட்டியது. 91வது நிமிடத்தில் இரண்டாவது 'எல்லோ கார்டு' பெற்ற அல்-ஹிலால் அணியின் தற்காப்பு பகுதி வீரர் கலிது கவுலிபலி 'ரெட் கார்டு' காட்டி வெளியேற்றப்பட்டார்.