நெதர்லாந்து அபாரம்

ஹாம்பர்க்கில் நடந்த 'டி' பிரிவு லீக் போட்டியில் போலந்து, நெதர்லாந்து அணிகள் மோதின. போலந்தின் நட்சத்திர வீரர் லெவண்டோவ்ஸ்கி, தொடையின் தசை பகுதி காயம் காரணமாக களமிறங்கவில்லை. இவருக்கு பதில் வாய்ப்பு பெற்ற 6.3 அடி உயரம் கொண்ட ஆடம் புக்ஸா மிரட்டினார். 16வது நிமிடத்தில் தலையால் முட்டி முதல் கோல் அடித்தார். இதற்கு நெதர்லாந்தின் காக்போ (29) பதிலடி கொடுத்தார். முதல் பாதி 1-1 என சமனில் முடிந்தது. இரண்டாவது பாதியில் இரு அணிகளும் கடுமையாக போராடின. பதட்டமான கடைசி கட்டத்தில் நெதர்லாந்தின் நம்பிக்கை நாயகன் வெகோர்ஸ்ட் (83) ஒரு கோல் அடித்து அசத்தினார். இறுதியில் நெதர்லாந்து 2-1 என்ற கணக்கில் வென்றது.