/செய்திகள்/விளையாட்டு/கால்பந்து/முகத்தில் காயம்...பர்னபாஸ் பரிதாபம்: 'யூரோ' கால்பந்தில் இன்னொரு சோகம்முகத்தில் காயம்...பர்னபாஸ் பரிதாபம்: 'யூரோ' கால்பந்தில் இன்னொரு சோகம்
முகத்தில் காயம்...பர்னபாஸ் பரிதாபம்: 'யூரோ' கால்பந்தில் இன்னொரு சோகம்
முகத்தில் காயம்...பர்னபாஸ் பரிதாபம்: 'யூரோ' கால்பந்தில் இன்னொரு சோகம்
முகத்தில் காயம்...பர்னபாஸ் பரிதாபம்: 'யூரோ' கால்பந்தில் இன்னொரு சோகம்
கோல்கீப்பருடன் மோதல்
ஆட்டத்தின் 68வது நிமிடத்தில் 'பிரீ கிக்' வாய்ப்பில் ஹங்கேரி கேப்டன் டொமினிக் சொபோஸ்லாய் பந்தை உதைத்தார். இதில் கோல் அடிக்க, சக வீரர் பர்னபாஸ் வர்கா நல்ல உயரத்தில் தாவினார். உடனே ஸ்காட்லாந்து கோல்கீப்பர் ஆங்கஸ் கன், கையால் குத்தி பந்தை வெளியே தள்ளினார். அப்போது இருவரும் மோதிக் கொள்ள, பர்னபாஸ் கீழே விழுந்தார். இவர் சுயநினைவின்றி இருந்ததால், சக வீரர்கள் கவலை அடைந்தனர். மருத்துவ குழுவினர் சிகிச்சை அளிக்க, மெதுவாக மீண்டார். பின் 'ஸ்டிரெச்சர்' மூலம் மைதானத்தை விட்டு வெளியேறினார். இதனால் ஆட்டம் 10 நிமிடம் பாதிக்கப்பட்டது. இந்த சம்பவம் குறித்து 'வார்' தொழில்நுட்பம் மூலம் ஆய்வு செய்யப்பட்டு, 'பெனால்டி' வாய்ப்பு கொடுக்கப்படவில்லை.
கெவின் கலக்கல்
கடைசி கட்டத்தில் ஹங்கேரி வீரர்கள் போராடினர். போட்டியின் 86வது நிமிடத்தில் மாற்று வீரராக வந்த கெவின் சோபோத், 'ஸ்டாப்பேஜ் நேரத்தில்' (90+10) கோல் அடிக்க, ஹங்கேரி 1-0 என வெற்றி பெற்றது.
நலமாக இருக்கிறாரா...
காயமடைந்த பர்னபாஸ், மருத்துவமனையில் அனுமதிக்கப்பட்டுள்ளார். முகத்தில் ஏற்பட்ட எலும்பு முறிவுக்கு 'ஆப்பரேஷன்' செய்யப்பட உள்ளது. குணமடைய 4-6 வாரம் தேவைப்படும். யூரோ கோப்பை தொடரின் எஞ்சிய போட்டிகளில் பங்கேற்க மாட்டார்.
அர்ப்பணிப்பு
ஹங்கேரி வீரர் ரோலாண்ட் கூறுகையில்,''பர்னபாஸ்-கோல்கீப்பர் மோதல் பயங்கரமான சம்பவம். கோல்கீப்பரின் கை, தோள் பகுதி பர்னபாஸ் முகத்தில் பலமாக தாக்கியது. பர்னபாசுக்காக வெல்ல வேண்டும் என நினைத்தோம். இறுதியில் வென்றோம். வெற்றியை அவருக்கு அர்ப்பணிக்கிறோம்,'' என்றார்.