/செய்திகள்/விளையாட்டு/கால்பந்து/'யூரோ' கோப்பை யாருக்கு: ஜெர்மனியில் கால்பந்து திருவிழா'யூரோ' கோப்பை யாருக்கு: ஜெர்மனியில் கால்பந்து திருவிழா
'யூரோ' கோப்பை யாருக்கு: ஜெர்மனியில் கால்பந்து திருவிழா
'யூரோ' கோப்பை யாருக்கு: ஜெர்மனியில் கால்பந்து திருவிழா
'யூரோ' கோப்பை யாருக்கு: ஜெர்மனியில் கால்பந்து திருவிழா
51 போட்டிகள்
மொத்தமுள்ள 24 அணிகள், 6 பிரிவுகளாக லீக் சுற்றில் (ஜூன் 14-26) பங்கேற்கின்றன. ஒவ்வொரு பிரிவிலும் முதலிரண்டு இடம் பிடிக்கும் 12 அணிகள், மூன்றாவது இடம் பிடிக்கும் 'டாப்-4' அணிகள் என மொத்தம் 16 அணிகள் 'ரவுண்டு-16' சுற்றுக்கு (ஜூன் 29 - ஜூலை 2) தகுதி பெறும். இதில் வெற்றி பெறும் அணிகள் காலிறுதியில் (ஜூலை 5-6) பங்கேற்கும். அதன்பின் அரையிறுதி (ஜூலை 9, 10) நடத்தப்படும். இதில் வெல்லும் அணிகள் ஜூலை 14ல் பெர்லினில் நடக்கும் பைனலில் மோதும்.
பத்து மைதானம்
கடந்த முறை போல லீக், 'நாக்-அவுட்' என மொத்தம் 51 போட்டிகள் நடக்கும். இதற்கான போட்டிகள் பெர்லின், முனிக், டார்ட்மண்ட், ஹம்பர்க், ஸ்டட்கர்ட், பிராங்க்புரூட் உள்ளிட்ட 10 நகரங்களில் உள்ள மைதானங்களில் நடத்தப்படுகிறது.
ஆறு பிரிவு
'ஏ' பிரிவில் தொடரை நடத்தும் ஜெர்மனி, ஹங்கேரி, சுவிட்சர்லாந்து, ஸ்காட்லாந்து அணிகள் உள்ளன. 'நடப்பு சாம்பியன்' இத்தாலி, 'பி' பிரிவில் ஸ்பெயின், குரோஷியா, அல்பானியாவுடன் இடம் பெற்றுள்ளது. 'சி' பிரிவில் இங்கிலாந்து, டென்மார்க், சுலோவேனியா, செர்பியா, 'டி' பிரிவில் பிரான்ஸ், போலந்து, நெதர்லாந்து, ஆஸ்திரியா அணிகள் உள்ளன. 'இ' பிரிவில் பெல்ஜியம், ஸ்லோவாகியா, ருமேனியா, உக்ரைன் இடம் பெற்றுள்ளன. போர்ச்சுகல் அணி, 'எப்' பிரிவில் துருக்கி, செக்குடியரசு, ஜார்ஜியாவுடன் உள்ளது.
மூன்றாவது முறை
'யூரோ' கோப்பை போட்டிகள் மூன்றாவது முறையாக ஜெர்மனியில் நடக்கிறது. இதற்கு முன் 1988ல் மேற்கு ஜெர்மனியில் நடந்தது. கடந்த 2020 சீசனில், முனிக் நகரில் 4 போட்டிகள் மட்டும் நடத்தப்பட்டன.