'கோல்டன் ஷூ' விருது

அதிக கோல் அடித்தவருக்கான 'கோல்டன் ஷூ' விருதை இங்கிலாந்தின் ஹாரி கேன், ஸ்பெயினின் டேனி ஆல்மோ, ஜெர்மனியின் ஜமால் முசியாலா, நெதர்லாந்தின் கோடி காக்போ, சுலோவாகியாவின் இவான் ஷ்ரான்ஸ், ஜார்ஜியாவின் ஜார்ஜஸ் மிகுடாட்சே என 6 பேர் பகிர்ந்து

கொண்டனர். இவர்கள் தலா 3 கோல் அடித்தனர்.

117 கோல்

இத்தொடரில் பைனல், அரையிறுதி உட்பட 51 போட்டியில், 117 கோல் அடிக்கப்பட்டன. இதில் 10 'சேம்சைடு' கோல் அடங்கும்.

நுாறு சதவீத வெற்றி

ஸ்பெயின் அணி 100 சதவீத வெற்றியுடன் சாம்பியன் பட்டத்தை கைப்பற்றியது. லீக் சுற்றில் 3, 'நாக்-அவுட்' சுற்றில் 4 என 7 போட்டியிலும் வென்றது. பைனல் வரை சென்ற இங்கிலாந்து, 3 வெற்றி, 3 'டிரா', ஒரு தோல்வியை பெற்றது.

சூப்பர் பயிற்சியாளர்

ஸ்பெயின் அணியின் தலைமை பயிற்சியாளராக லுாயிஸ் டி லா பியன்டே 63, உள்ளார். இவரது பயிற்சியின் கீழ், பெரிய தொடர்களில் ஸ்பெயின் அணிக்கு 4 கோப்பை (2015ல் 19 வயது 'யூரோ', 2019ல் 21 வயது 'யூரோ', 2023ல் நேஷன்ஸ் லீக், 2024ல் 'யூரோ') கிடைத்துள்ளன.

தொடரும் சோகம்

இங்கிலாந்து அணி 1966ல் உலக கோப்பை வென்றது. அதன்பின் மிகப் பெரிய தொடர்களில் சாம்பியன் பட்டம் வென்றதில்லை. 'யூரோ' கோப்பை பைனலில் மீண்டும் ஏமாற்றிய இங்கிலாந்து அணியின் 58 ஆண்டு கால சோகம் தொடர்கிறது.

ஐந்து நாடுகள்

'யூரோ' கோப்பை 18வது சீசன் வரும் 2028ல் (ஜூன் 9 - ஜூலை 9) நடக்கவுள்ளது. இத்தொடரை இங்கிலாந்து, வடக்கு அயர்லாந்து, அயர்லாந்து, ஸ்காட்லாந்து, வேல்ஸ் என ஐந்து நாடுகள் இணைந்து நடத்துகின்றன. இதன்மூலம் இங்கிலாந்து மண்ணில் 3வது முறையாக (1996, 2020, 2028) 'யூரோ' போட்டிகள் நடக்கவுள்ளன. ஸ்காட்லாந்தில் 2வது முறையாகவும் (2020, 2028), வடக்கு அயர்லாந்து, அயர்லாந்து, வேல்சில் முதன்முறையாக நடக்கவுள்ளன.

ரூ. 257 கோடி பரிசு

ஸ்பெயின் அணிக்கு சாம்பியன் கோப்பையுடன், ரூ. 257 கோடி பரிசு வழங்கப்பட்டது. இரண்டாவது இடம் பிடித்த இங்கிலாந்துக்கு ரூ. 221 கோடி பரிசாக கிடைத்தது.