இந்த கண்டிஷன் ஓகே என்றால் சினிமாவில் நடிப்பேன் - ஜோவிதா பளீச் பேட்டி

நடிகர் லிவிங்ஸ்டனின் மகள் ஜோவிதா. பூவே உனக்காக என்ற சீரியல் மூலம் சின்னத்திரையில் அறிமுகமானார். அந்த தொடரின் பாதியிலேயே விலகிய அவர் உயர் படிப்பை படிக்க சென்று விட்டார். அதன்பிறகு அருவி தொடரில் ஹீரோயினாக ரீ-என்ட்ரி கொடுத்து மக்கள் மனதில் இடம் பிடித்தார். அருவி தொடர் சில தினங்களுக்கு முன் முடிவுக்கு வந்தது.

தற்போது அடுத்த வாய்ப்பிற்காக காத்துக் கொண்டிருக்கும் ஜோவிதா அண்மையில் அளித்துள்ள பேட்டியில், "ஒரு படத்திலாவது நடிக்க வேண்டும் என்று ஆசை. ஹீரோயினாக நடிக்க வேண்டும் என்றெல்லாம் இல்லை. நல்ல கதாபாத்திரம் கிடைத்தால் போதும். என்னிடம் வேறு எதையும் எதிர்பார்க்காமல் திறமையை மட்டும் எதிர்பார்த்து வாய்ப்பு கொடுத்தால் கண்டிப்பாக சினிமாவில் நடிப்பேன்" என்று கூறியிருக்கிறார்.