சிவாங்கியை போலவே மிமிக்ரி செய்து கலாய்த்த மோனிஷா! வைரலாகும் புரோமோ

விஜய் டிவியின் குக் வித் கோமாளி-4, முந்தைய சீசன்களை போலவே சூப்பர் ஹிட் அடித்து வருகிறது. இதுவரை 3 போட்டியாளர்கள் எலிமினேட் செய்யப்பட்டுள்ளனர். புதிய குக்குகளும், கோமாளிகளும் நிகழ்ச்சியை மேலும் எண்டர்டெயின்மெண்டாக கொண்டு செல்கின்றனர். அதிலும், கோமாளியாக களமிறங்கியுள்ள மோனிஷாவுக்கு புது ரசிகர்கள் பட்டாளமே உருவாகி வருகிறது. வாராவாரம் வித்தியாசமான டாஸ்க்குகளுடன், வித்தியாசமான கெட்டப் போட்டு களமிறங்கும் கோமாளிகளுக்கு இந்த வாரம் குக்குகளை போலவே இமிடேட் செய்யும் டாஸ்க் வழங்கப்பட்டுள்ளது.

அந்த வகையில், குரேஷி சிருஷ்டி போலவும், புகழ் ஷெரின் போலவும், ரவீனா விசித்ரா போலவும், ஜி.பி. முத்து காளையன் போலவும் கெட்டப் போட்டு வந்துள்ளனர். இதில், சிவாங்கி போலவே கெட்டப் போட்டுள்ள மோனிஷா அவரை போலவே மிமிக்ரி செய்து கலக்கியுள்ளார். இரண்டு சிவாங்கியை ஒரே ஸ்கீரினில் பார்க்கும் ஆர்வமும் ரசிகர்களிடம் அதிகரித்துள்ளது.