புதுச்சேரி: கள்ளக்குறிச்சியில் கள்ளச்சாராயம் குடித்து பாதிக்கப்பட்ட சிலர் புதுச்சேரி ஜிப்மர் மருத்துவமனையில் அனுமதிக்கப்பட்டுள்ளனர்.

அதில், சிகிச்சை பெற்று வருவோரின் உறவினர்கள் கூறுகையில், ''ஆம்புலன்சில் ஏற்றிக்கொண்டு நேராக மருத்துவமனை வந்துவிட்டோம். 4 நாட்களாக ஒரே உடையுடன் இங்கேயே இருக்கிறோம். எங்களிடம் பணமும் இல்லை. ஆனால், சிகிச்சைக்கான பொருட்களை வாங்கிவர சொல்லி மருத்துவர்கள் கூறுகின்றனர். பணமே இல்லாமல், நாங்கள் எப்படி வாங்குவது? அதேபோல், சிகிச்சையில் உள்ளவர்களை வெளியில் இருந்துதான் எட்டி பார்க்கிறோம்; அருகில் அனுமதிப்பதில்லை. அவர்களும் எந்தவித அசைவும் இல்லாமல் இருக்கின்றனர். என்ன நடக்கிறது என்றே தெரியாமல் தவிக்கிறோம்'' என்றனர்.