புதுச்சேரி : புதுச்சேரி அரசு சார்பில் முன்னாள் பிரதமர் நேரு நினைவு நாள் நேற்று அனுசரிக்கப்பட்டது.

இதனையொட்டி கடற்கரை சாலை, காந்தி திடலில் உள்ள அவரது சிலைக்கு முதல்வர் ரங்கசாமி தலைமையில் அமைச்சர்கள் லட்சுமிநாராயணன், தேனீ ஜெயக்குமார், துணை சபாநாயகர் ராஜவேலு, அரசு கொறடா ஆறுமுகம் ஆகியோர் மாலை அணிவித்து மரியாதை செலுத்தினர்.

காங்., சார்பில் மாநிலத் தலைவர் வைத்திலிங்கம் எம்.பி., தலைமையில் வைத்தியநாதன் எம்.எல்.ஏ,, முன்னாள் அமைச்சர்கள் கந்தசாமி, ஷாஜகான், முன்னாள் எம்.எல்.ஏ., அனந்தராமன், சீனியர் துணைத் தலைவர் தேவதாஸ் உட்பட பலர் நேரு சிலைக்கு மாலை அணிவித்து மரியாதை செலுத்தினர்.