புதுச்சேரி: தேசிய டென்னிஸ் போட்டியில் புதுச்சேரியைச் சேர்ந்த ௨ வீரர்கள் வெற்றி பெற்று சாதனை படைத்தனர்.

புதுச்சேரி மாநில டென்னிஸ் சங்கம் சார்பில், தேசிய அளவிலான டென்னிஸ் போட்டி இந்திரா காந்தி மைதனாத்தில் கடந்த மே மாதம் 26ம் தேதி துவங்கியது. இதில் 16 வயதிற்குட்பட்ட பிரிவில் போட்டிகள் நடந்தன. புதுச்சேரி, தமிழகம், ஆந்திரா, கர்நாடகா உள்ளிட்ட மாநிலங்களை சேர்ந்த 100 பேர் பங்கேற்றனர்.

ஆண்கள் பிரிவில் தமிழகத்தைச் சேர்ந்த சம்பத் சஞ்சய் முதலிடம், மிதில் இரண்டாமிடம் பிடித்தனர். பெண்கள் பிரிவில் தமிழகத்தைச் சேர்ந்த சுஹானி முதலிடம், தானுஸ்ரீ இரண்டாம் பிடித்தனர். இரட்டையர் பிரிவில் புதுச்சேரியைச் சேர்ந்த சூர்யா மற்றும் கீர்த்திவாசன் ஆகியோர் இரண்டாமிடம் பிடித்தனர். வெற்றி பெற்றவர்களுக்கு சான்றிதழ்கள், கோப்பைகள் வழங்கப்பட்டன.