'பவாருக்கு பின்னடைவு'

லோக்சபா தேர்தல் தோல்விக்கு பின், அஜித் பவாரின் தேசியவாத காங்கிரசில் இருந்து பலர், சரத்பவாரின் கட்சிக்கு தாவ வாய்ப்புள்ளதாக கூறப்பட்டது. அது நிரூபணமாகும் வகையில், அஜித் பவார் கட்சியில் இருந்து நான்கு முக்கிய நிர்வாகிகள் நேற்று முன்தினம் வெளியேறினர்.புனேவின் பிம்ப்ரி சின்ச்வாட் பகுதியில் செல்வாக்குமிக்க தலைவரான அஜித் கவாஹனே, மாணவர் தலைவர் யாஷ் சானே மற்றும் ராகுல் போஸ்லே, பங்கஜ் பாலேகர் ஆகியோர் அஜித் பவார் அணியில் இருந்து விலகி 20க்கும் மேற்பட்ட தொண்டர்களுடன் சரத் பவார் தலைமையில் தேசியவாத காங்., சரத்சந்திர பவார் பிரிவில் நேற்று ஐக்கியமாகினர். இந்த ஆண்டு இறுதியில் மஹாராஷ்டிரா சட்டசபை தேர்தல் நடக்கவுள்ள நிலையில், இந்த சம்பவம் அஜித் பவாருக்கு பெரும் பின்னடைவை ஏற்படுத்தியுள்ளது.