பிரபாஸ், அல்லு அர்ஜூன் வழியில் சந்தீப்

70 எம்எம் எண்டர்டெயின்மெண்ட் சார்பில் விஜய் சில்வா, சசிதேவி ரெட்டி தயாரிக்கும் படம் "பவர் பேட்டா". தெலுங்கில் தயாராகும் பான் இந்தியா படம். எழுத்தாளராக இருந்து இயக்குநராக மாறிய கிருஷ்ண சைதன்யா இப்படத்தை இயக்குகிறார். மதி ஒளிப்பதிவு செய்கிறார், மணிசர்மா இசை அமைக்கிறார்.

தாதாக்களின் கதையாக தயாராகும் இந்த படத்தில் பிரபாஸ், அல்லு அர்ஜுன் பாணியில் பயங்கர தாதாவாக சந்தீப் கிஷன் நடிக்கிறார். படத்தின் அறிவிப்பு ஒரு வீடியோவாக வெளியிடப்பட்டுள்ளது. அதில் ராக்கெட் வெடியில் சந்தீப் சிகரெட் பற்ற வைக்கிறார். கேரக்டரின் பெயர் சேனாபதி ரவி. தெலுங்கில் வேறு பெயர் இருக்கலாம். 5 மொழிகளில் வீடியோ வெளியிடப்பட்டுள்ளது.