2025 படங்களில் நம்பர் 1 இடத்தைப் பிடித்த காந்தாரா சாப்டர் 1

ரிஷப் ஷெட்டி இயக்கம் நடிப்பில் அக்டோபர் 1ம் தேதி பான் இந்தியா படமாக வெளியானது "காந்தாரா சாப்டர் 1". எதிர்பார்த்ததைப் போலவே படம் அனைத்து மொழிகளிலும் நல்ல வரவேற்பைப் பெற்றது.

தற்போது 818 கோடி வசூலித்துள்ளதாக பாக்ஸ் ஆபீஸ் தகவல் வெளியாகி உள்ளது. இதன் மூலம் இந்த ஆண்டில் வெளிவந்த இந்தியப் படங்களில் அதிக வசூலைப் பெற்று முதலிடத்தில் இருந்த "சாவா" ஹிந்திப் படத்தின் சாதனையை முறியடித்துள்ளது.

இப்படம் கர்நாடகாவில் 200 கோடிக்கு மேல், வட இந்திய மாநிலங்களில் 200 கோடி, தெலுங்கு மாநிலங்களில் 100 கோடி, வெளிநாடுகளில் 100 கோடி, தமிழகம் மற்றும் கேரளாவில் தலா 50 கோடிக்கு மேல் வசூலித்துள்ளது.

படத்தின் வியாபாரம் 340 கோடி என்பதால் இப்படம் எப்படியான லாபத்தைக் கொடுக்கப் போகிறது என்ற கேள்வி இருந்தது. ஆனால், தற்போது 800 கோடி வசூலையும் கடந்துவிட்டதால் படத்தின் லாபமும் கிடைத்துவிட்டது.